Regjeringa har lagt fram ei melding om fosterheimsomsorga i Noreg. Eit sentralt mål for regjeringa er at barn som har behov for det får ein fosterheim når dei treng det, og at dei får ein trygg og stabil omsorgssituasjon. Tiltaka i meldinga skal derfor bidra til auka rekruttering, og betre stabilitet og føreseielege rammer for fosterheim. Tiltaka må sjåast i samanheng med fleire forslag om endringar i barnevernslova som blei sende på høyring i april i år.